दिवंगत उपमुख्यमंत्री अजित पवार यांच्या जयंतीनिमित्त वसमत मध्ये विविध सामाजिक उपक्रम..

वसमत

शरीफ आलम

महाराष्ट्राचे दिवंगत उपमुख्यमंत्री तथा माजी अर्थमंत्री स्व.अजितदादा पवार यांची जयंती निमित्त जनसेवा सप्ताह अंतर्गत वसमत विधानसभेचे आमदार राजू नवघरे यांच्या संकल्पनेतून वसमत विधानसभे मध्ये विविध सामाजिक उपक्रम सप्ताह भर साजरे करण्यात येणार आहे. त्यांच्या स्मृतीप्रित्यर्थ जनसेवा सप्ताह’मध्ये शिक्षण, आरोग्य, सामाजिक, सांस्कृतिक व महिला सक्षमीकरण अशा विविध क्षेत्रांतील उपक्रमांचे आयोजन करण्यात आले आहे.शैक्षणिक उपक्रमात तालुक्यातील विविध शाळांमध्ये विद्यार्थ्यांना शालेय साहित्याचे वाटप करण्यात येणार आहे.सामाजिक उपक्रम मध्ये स्वच्छता अभियान. वृक्षारोपण.पर्यावरण संवर्धन तसेच विविध जनजागृती कार्यक्रमाचे आयोजन करण्यात आले आहे. तसेच आरोग्य उपक्रमात आरोग्य शिबिरे.महा रक्तदान शिबिराचे आयोजन तसेच प्रत्येक गावातील एका गरजू कॅन्सरग्रस्त रुग्णाला दत्तक घेऊन उपचारासाठी मदत करण्याचा निराधार आमदार राजू नवघरे यांनी केला आहे.यावेळी घेण्यात येणाऱ्या सांस्कृतिक उपक्रमात विद्यार्थी व युवक-युवतींमधील कलागुणांना व्यासपीठ उपलब्ध करून देण्याचे नियोजन केले आहे. या जनसेवा सप्ताहमध्ये महिला सक्षमीकरण.समाजातील विविध क्षेत्रांत उल्लेखनीय कार्य करणाऱ्या महिलांचा गौरव करून त्यांना प्रोत्साहन देण्यात येणार आहे याशिवाय पक्षाची विचारधारा व विकासाची भूमिका जनतेपर्यंत प्रभावीपणे पोहोचविणाऱ्या कार्यकर्त्यांचाही यथोचित सत्कार करण्यात येणार आहे.आज संपन्न झालेल्या कार्यक्रमात वसमत शहरातील प्रभाग क्रमांक १ व ३ मध्ये स्वच्छता अभियान राबविण्यात आले. यामध्ये नाल्यांची स्वच्छता.कचरा निर्मूलन व परिसर स्वच्छतेची व्यापक मोहीम हाती घेण्यात आली तसेच स्व.अजितदादांचा अत्यंत जिव्हाळ्याचा विषय असलेल्या वृक्षारोपण व वृक्षसंवर्धन उपक्रमांतर्गत, त्यांच्या निधीतून तसेच लोकप्रिय आमदार चंद्रकांत (राजूभैय्या) नवघरे यांच्या संकल्पनेतून विकसित करण्यात आलेल्या निजाम कॉलनी येथील बडा तलाव परिसरात मोठ्या प्रमाणावर वृक्षारोपण करण्यात आले.हा परिसर भविष्यात शहरवासीयांसाठी निसर्गरम्य व विरंगुळ्याचे आकर्षक ठिकाण ठरेल.असा विश्वास आमदार राजूभैय्या नवघरे यांनी व्यक्त केला.याच दिवशी आमदार राजूभैय्या नवघरे यांच्या सातत्यपूर्ण पाठपुराव्यातून वसमत आगारासाठी मंजूर झालेल्या ५ ‘राजमाता जिजाऊ’ बसांचे लोकार्पण त्यांच्या शुभहस्ते करण्यात आले. यावेळी त्यांनी नव्या बसची पाहणी करून प्रवाशांशी संवाद साधला. ग्रामीण भागातही जनसेवा सप्ताहानिमित्त ग्रामपंचायत कार्यालय.शाळांमध्ये सामाजिक उपक्रम राबविण्यात आले.