वसमत येथे मागासवर्गीय मुला-मुलींसाठी वस्तीग्रह त्वरित सुरू करण्यात यावे. आ.राजू नवघरे यांची विधानसभेत मागणी..

शरीफ आलम

वसमत येथे मागासवर्गीय मुला मुलींच्या वस्तीगृहासाठी पूर्णा पाटबंधारे विभागाची १ हेक्टर ६०आर जमीन त्वरित उपलब्ध करून देण्याची जोरदार मागणी आज विधानसभेत पावसाळी अधिवेशनात लक्षवेधी प्रश्नाद्वारे आमदार राजू नवघरे यांनी केली.मागील पाच वर्षापासून वसमत येथे मागासवर्गीय मुला-मुलींसाठी शासकीय वस्तीगृह उपलब्ध करून देण्यासाठी आमदार राजू नवघरे प्रयत्न करीत आहे. याबाबत मंत्रालयात तीन बैठका सुद्धा घेण्यात आल्या मात्र वस्तीगृहा साठी जमीन उपलब्ध होऊ शकली नाही.गुरुवारी विधानसभे मध्ये पावसाळी अधिवेशनात या ज्वलंत प्रश्नाबद्दल लक्षवेधी प्रश्न उपस्थित करून आमदार राजू नवघरे यांनी सभागृहाची लक्षवेधून विचारले की वसमतला येथे बाबासाहेब आंबेडकर मुला मुलीचे वस्तीग्रहासाठी सामाजिक न्याय विभागाचा संपूर्ण प्रस्ताव आला आहे का? सामाजिक न्याय विभागाकडे या जमिनीचा मूल्यांकन नऊ कोटी 80 लाख रुपये ते सामाजिक न्याय विभागाकडून भरण्यात येणार आहेत का? जमीन ताब्यात आपण कधी घेणार आहेत? आणि सामाजिक विभाग आणि जनसंपदा विभाग यांची संयुक्त बैठक होऊन वसतिगृहासाठी जमीन ताबडतोब उपलब्ध करून देणार का?असे प्रश्न विचारले असता यावर उत्तर देताना सामाजिक न्याय मंत्री संजय शिरसाठ यांनी याबद्दल त्वरित मुख्यमंत्री देवेंद्र फडवणीस यांना विनंती करून वसमत येथे मागासवर्गीय मुला-मुलींसाठी उभारण्यात येणाऱ्या वस्तीगृहासाठी जमीन त्वरित उपलब्ध करून देऊ. तसेच वस्तीगृह उभारण्यासाठी भरीव नीधी सुद्धा उपलब्ध करून देण्याचे सांगितले.