वसमत येथे आरोग्य शिबिर संपन्न

वसमत/प्रतिनिधी
वसमत येथील उपजिल्हा रुग्णालयात  घेण्यात आलेल्या वैद्यकीय व दंत आरोग्य शिबिरात तीन हजार पाचशे चार रुग्णांची तपासणी करण्यात आली असून यावेळी अकरा मोठ्या आणि 355 छोट्या शस्त्रक्रिया करण्यात आल्या असून तपासणी झालेल्या उर्वरित शस्त्रक्रिया एक व दोन ऑक्टोंबर रोजी करण्यात येणार असल्याची माहिती उपजिल्हा रुग्णालयाचे वैद्यकीय अधीक्षक डॉ गंगाधर काळे यांनी दिली आहे.
मंगळवारी  रोजी वसमत उपजिल्हा रुग्णालयातील सोनोग्राफी सेवेची उद्घाटन आणि वैद्यकीय व दंत आरोग्य शिबिराचे उद्घाटन आमदार राजू नवघरे यांच्या हस्ते करण्यात आले. यावेळी प्रमुख पाहुणे म्हणून उपविभागीय अधिकारी विकास माने तहसीलदार शारदा दळवी पोलीस निरीक्षक सुधीर वाघ माजी उपनगराध्यक्ष सिताराम म्यानेवार भाजपा महिला जिल्हाध्यक्ष उज्वला तांभाळे. आय एम ए चे अध्यक्ष डॉ बालासाहेब सेलुकर. वैद्यकीय अधिकारी डॉ सन्नाउल्ला खान आदींची प्रमुख उपस्थिती होती.
यावेळी आमदार राजू नवघरे यांनी वसमत उपजिल्हा रुग्णालयात सोनोग्राफी सुविधा सुरुवात झाल्याने निश्चित तालुक्यातील गरजू रुग्णांना याचा लाभ होण्याचे सांगितले.यावेळी घेण्यात आलेल्या वैद्यकीय व दंत आरोग्य शिबिरात एकूण 3504 रुग्णांची तपासणी करण्यात आली असून 11 मोठ्या आणि 355 छोट्या शस्त्रक्रिया करण्यात आल्या असून तपासणी झालेल्या उर्वरितशस्त्रक्रिया ह्या एक व दोन ऑक्टोबर रोजी करण्यात येणार असल्याची माहिती वैद्यकीय अधीक्षक गंगाधर काळे यांनी दिली आहे.यावेळी स्वस्त नारी सशक्त परिवारा अभियानांतर्गत 1663 महिला रुग्णांची तपासणी करण्यात आली यावेळी प्रत्येक आरोग्य विभागाच्या वेगवेगळ्या स्टॉल लावण्यात आल्या होत्या आणि प्रात्यक्षिक दाखवून समापदेशन व मार्गदर्शन करण्यात आले. शिबिराला यशस्वी करण्यासाठी वैद्यकीय अधीक्षक गंगाधर काळे आणि सर्व वैद्यकीय अधिकारी.कर्मचारी.तालुका आरोग्य कार्यातील कर्मचारी. आशा वर्कर आदींनी अथक परिश्रम घेतले.
वसमत प्रतिनिधीय