वसमत नगराध्यक्ष पदासाठी भाजपा कडून सुषमा बोडेवार यांची उमेदवारी निश्चित

शरीफ आलम

भाजपाकडून डॉ मारुती क्यातमवार यांच्या पत्नी सविता क्यातमवार यांची उमेदवारी बदलत भाजपने वसमत नगराध्यक्षापदाचे उमेदवार सुषमा शिवदास बोडेवार असतील अशी माहिती राज्यमंत्री मेघना बोर्डीकर यांनी दिली.

वसमत नगर परिषदेच्या निवडणुकीत अर्ज भरण्याच्या शेवटच्या क्षणी शिंदे सेनेतून भाजपमध्ये उडी मारून डॉ मारुती क्यातमवार यांनी आपल्या पत्नी सविता क्यातमवार यांच्यासाठी नगराध्यक्षा पदाची उमेदवारी मिळाली होती. त्यांचे नाव पक्षाकडून एबी फॉर्म दुसऱ्या क्रमांकावर तर सुषमा बोडेवार यांचे नाव पहिल्या क्रमांकावर लिहिण्यात आले होते.मात्र दोन दिवसाच्या राजकीय घडामोडीनंतर आज भाजपा कोर कमिटीच्या बैठकीत भाजपाचे निष्ठावंत माजी नगराध्यक्ष शिवदास बोडेवार यांच्या पत्नी सुषमा बोडेवार यांनाच पक्षाकडून उमेदवारी देण्याचा निर्णय झाला. याबाबत माहिती देताना राज्यमंत्री मेघना बोर्डीकर यांनी सांगितले की डॉ क्यातमवार हे डॉक्टर व्यवसायातून राजकारण समाजकारण करणारे चांगले व्यक्तिमत्व असून प्रधानमंत्री नरेंद्र मोदी आणि मुख्यमंत्री देवेंद्र फडणवीस यांच्या विचारामुळे त्यांनी भाजपा प्रवेश केला. पण भाजपाची केंद्रात आणि राज्यात एकहाती सत्ता असताना शिवदास बोडेवार सारख्या निष्ठावंतांना संधी देणे हा पक्षाचा निर्णय असून मागील कित्येक वर्षापासून बसमत शहरात भाजपाचे अस्तित्व निर्माण केलेले बुड्डेवार यांनीच नगराध्यक्ष पदाची निवडणूक लढवावी. असे आदेश पक्षाच्या वरिष्ठ नेत्यांचे असल्यामुळे बोड्डेवार त्यांच्या पत्नी सुषमा बोडेवार यांनाच वसमत नगराध्यक्षा पदाची उमेदवारी देण्यात येत असल्याचे राज्यमंत्री मेघना बोर्डीकर यांनी सांगितले.