पोटविकार तज्ञ डॉ नितीन जोशी यांच्या कार्याची जिल्हाधिकारी कर्डिले यांनी घेतली दखल

नांदेड (इसाक पठाण)

नांदेडचे कर्तव्यदक्ष जिल्हाधिकारी राहुल कर्डिले यांनी डॉ नितीन जोशी यांच्या कार्याची दखल घेतली आहे त्यांच्या महत्त्वाच्या कार्यात आता निती आयोग सहभागी होणार असून ग्रामीण महाराष्ट्रातील पहिले फिरते एंडोस्कोपी रुग्णालयास भारत सरकारच्या निती आयोगाच्या महत्वाकांक्षी आकांक्षित किनवट तालुका स्मार्ट हेल्थ अँड न्यूट्रिशन उपक्रमात” सहयोगी साथीदार म्हणून मदत करणार आहे .

         १९ फेब्रुवारी २०२२ पासून नियमितपणे चालवल्या जाणाऱ्या “गॅलक्सी हेल्थकेअर फाउंडेशन चॅरिटेबल ट्रस्ट नांदेड” च्या फिरत्या एंडोस्कोपी रुग्णालयाच्या अविरत कार्याची दखल आज जिल्हाधिकारी श्री राहुल कर्डिले यांनी घेतली. गॅलक्सी हॉस्पिटल नांदेडचे संस्थापक, पचनसंस्थाविकार तज्ज्ञ डॉ नितीन जोशी आणि त्यांच्या टीमने या फिरत्या रुग्णालयातून मागील ४५ महिन्यांत जवळजवळ २६,००० किमी प्रवास करून, मराठवाड्यातील एकूण ६ जिल्ह्यांत ५६ लहानमोठ्या गावखेड्यात जाऊन १३००हून अधिक रुग्णांची तपासणी, एनिमिया, संसर्गजन्य आजार प्रामुख्याने एच आय व्ही, हेपेटाइटिस बी आणि सी इत्यादी आजारांच्या रक्त तपासणी आणि पचनसंस्थेच्या मार्गातील गंभीर आजारांच्या निदान आणि उपचारांसाठी एंडोस्कोपी केली आहे. अशक्यप्राय समजली जाणारी ही सुविधा आजही दर रविवारी दुर्गम भागातील खेड्यापाड्यांतून आपली सेवा देत आहे. इतर गंभीर आजारांसाठी आणि आरोग्यसेवा अधिक सुरक्षित आणि बळकट करण्यासाठी भारत सरकार वेगवेगळे उपक्रम राबवीत असते. परंतु अशा प्रकारच्या फिरत्या रुग्णालयांची दूरगामी सफलता कशी असेल याची साशंकता असतेच. ही शंका दूर व्हावी म्हणून जिल्हाधिकारी श्री राहुल कर्डिले यांनी फिरत्या एंडोस्कोपीच्या कार्याचा दाखला दिनांक २० नोव्हेंबर २०२५ रोजी झालेल्या नीती आयोगाच्या सभेत दिला.

नांदेड जिल्ह्याचे कार्यकुशल जिल्हाधिकारी श्री राहुल कर्डिले यांनी “गॅलक्सी हेल्थकेअर फाउंडेशन चॅरिटेबल ट्रस्ट नांदेड” द्वारा संचलित महाराष्ट्राच्या ग्रामीण भागातील पहिल्या फिरत्या एंडोस्कोपी रुग्णालयाचे मागील ४ वर्षांचे काम ध्यानात घेऊन नीती आयोग भारत सरकारला याची माहिती दिली. नीती आयोगाच्या अंतर्गत येणाऱ्या “आकांक्षित तालुका किनवट स्मार्ट हेल्थ अँड न्यूट्रिशन उपक्रम जिल्हा नांदेड” या उपक्रमात आम्हाला सहभागी करून घेण्यासाठी तातडीने एक टीम गॅलक्सी हॉस्पिटल आणि फिरत्या एंडोस्कोपी रुग्णालयाच्या पाहणी आणि तत्काळ सामंजस्य/ सहमती करार ( Memorandum of Understanding) करून घेण्याकरिता पाठविली. यात नांदेड जिल्ह्याचे, जिल्हा नियोजन अधिकारी अर्जुन झाडे आणि दिल्लीहून आलेले ‘चॉईस’ या संघटनेचे मार्गदर्शक अधिकारी यांनी भेट देऊन पाहणी केली आणि आमची सहमती घेऊन गेले. आम्हाला या कार्यात सरकार आणि प्रशासन यांच्यासोबत काम करण्यासाठी सहभागी करून घेतले आम्ही कृतज्ञ आहोत.

पुढील कार्याचे निर्देश येताच टीम गॅलक्सी तयार आहे अशी माहिती डॉ.नितीन जोशी यांनी वसमत टुडे न्युज ला दिली

तसेच त्यांनी जिल्हाधिकारी श्री. राहुल कर्डिले आणि “अकांक्षा ब्लॉक किनवट – स्मार्ट हेल्थ अँड न्यूट्रिशन इनिशिएटिव्ह, नांदेड जिल्हा” च्या टीमचे मनापासून आभार मानले गॅलक्सी हॉस्पिटल नांदेड द्वारा विकसित तथा गॅलेक्सी फाउंडेशन द्वारा संचलित फिरत्या रुग्णालय भविष्यात नीती आयोगाच्या “आकांक्षा ब्लॉक प्रकल्प” “किनवट स्मार्ट हेल्थ अँड न्यूट्रिशन इनिशिएटिव्ह” साठी गॅलक्सी फाउंडेशन गावोगावी जाऊन जिल्हा प्रशासनाला या योजनेचा विकास आणि विस्तार करण्यासाठी मदत करेल असे ही त्यांनी सांगितले.